மொழி அழுகை கொஞ்சம் கொஞ்சமாக குறைய.

 “கண்ணத்தொட எழுந்து உட்காரு” என்றான்.

 அவளோ அவனைப் பார்த்தபடியே கண்ணைத் துடைத்து கொண்டு எழுந்து அமர.

 “ஆமாம் எதுக்கு இந்த அழகை.?

இப்பதானே என்ன பாக்கணும்னு சொன்னா?  உன்னை பார்க்க வந்தா அழுவியா நீ” என்றான்.

 மொழி கண்ணை துடைத்து விட்டு  அவனைப் பார்த்தபடியே இருக்க.

 ‘”ஏண்டி நியூஸ் சேனல்ல சொன்னத ஒரு போன் பண்ணி சொன்னா, நான் எப்பவோ வந்திருப்பேனே” என்றான் ஆதங்கமாக.

 “ஓ அப்ப நீங்க நியூஸ் பார்த்து தான் வந்தீங்களா?.. என்றாள் மொழி

 “பின்ன நான் போறப்போ உன்கிட்ட என்னடி சொல்லிட்டு போனேன்”..

 “நீங்க என்கிட்டயா  சொன்னீங்க உங்க அம்மாகிட்ட தான் சொல்லிட்டு போனீங்க” என்றாள் வீம்பாக.

 “என்னை நீங்க திரும்பி கூட பாக்கல ஒரு வார்த்தை கூட பேசல அப்படியே போயிட்டீங்க”..

 “சரி சரி பண்ணதெல்லாம் தப்புதான்.

 அதுக்கு என்ன பண்ண சொல்ற எனக்கும் உனக்கும் கொஞ்சம் டைம் வேணும் யோசிச்சேன் அதனால போனேன் அது என்னடான்னா வருஷகணக்கு ஆகிப்போச்சு” என்றான் தலையை கோதியபடியே.

 “அது என்ன தாடி எல்லாம் வளர்த்து இருக்கீங்க” என்றாள்.

 “அது வா, அது எனக்கு லவ் பெயிலியர் அதுக்காக வளர்த்தேன் போதுமா” என்றான் நக்கலாக.

 அவளோ அவனை நக்கலாக பார்த்து.

 “அதான் அஞ்சு வருஷம் விட்டுட்டு  போய்ட்டீங்களே என்ன திடீர்னு வந்து இருக்கீங்க” என்றாள் மொழி  கோபமாக .

 “யாரோ சொன்னாங்க  என் ஹஸ்பண்ட் ஜப்பானுல  பாலம் கட்டுறாருன்னு அத அவங்க ஒரு போன் போட்டு சொல்லி இருந்தா நான் அன்னைக்கே வந்து இருப்பேன்.

 அஞ்சு வருஷம் வேஸ்ட்” என்றான்.

 “அப்போ நான் போன் பண்ணி பேசி இருந்தா நீங்க வந்து இருப்பீங்க” என்றாள்.

 அவன் ஆமாம்  என்பது போல் சொல்ல.

 “நீங்க போன் பண்ணி இருக்க வேண்டியதுதானே எனக்கு ” என்றால் அவளும்.

 “மேடம் கோவமா இருக்கீங்கன்னு  நினைச்சேன்”?..

 “இப்பவும் கோபமா தான் இருக்கேன்” என்றால்.

 “நீ கோபமா இருக்கியா”?. என்றவன்

 அவள் அருகில் வர.

 “அஞ்சு வருஷம் விட்டுட்டு போன யாரும் பக்கத்துல வர வேண்டாம்” என்றாள்.

 “ஏண்டி டிவி நியூஸ்ல எல்லாம், ரிஷி என்  ஹஸ்பண்ட் என்று சொல்லுற,

அப்போ ஹஸ்பண்ட் உரிமை எடுத்துக்க வேண்டாமா” என்றவன் அவள் அமர்ந்திருந்த  பெட்டில் பக்கத்தில் அமர்ந்தபடியே.

 அவன் பக்கத்தில் அமர்ந்ததும்  மொழிக்கு இன்னும் அழுகை வருவது போல இருக்க.

 அவள் முகத்தை பார்த்தவனுக்கு  அவள் அழ தயாராக போவது தெரிய..

“அழுதா  அழுத கொன்னுடுவேன், நம்ம அழுததெல்லாம் போதும்டி ” என்றான்.

 ரிஷி அப்படி சொன்னதும் அழுகை  தேம்பலாக வர.

 தேம்பியவளை.

தன் இரு கையால் அவளை இழுத்து அணைத்து கொண்டான் ரிஷி..

 “ஏன் என்னை விட்டுட்டு போனீங்க அஞ்சு வருஷம் நான் எப்படி கஷ்டப்பட்டேன் தெரியுமா உங்களுக்கு” என்றால் தேம்பிய படியே.

 “அதான்  வந்துட்டேன்ல டி அழாத” என்றான்  அவளின் தோளை  தட்டி கொடுத்த படியே.

 அவள் அழுகை குறையும் வரை அவளை  அணைத்து வைத்திருந்தவன்,  அழுகை குறைந்ததும் மெல்ல விடுவித்தவன்.

 “கால்ல  நல்ல அடியா பெயின் இருக்கா”? என்றான் மொழியின் காலை பார்த்து.

 “பெயின்  இருக்கு ஆனா இப்போ பரவால்ல நீங்க தான் கூட இருக்கீங்களே” என்றாள் அவனின் தோளில் சாய்ந்தபடியே.

 அவள் சாய்ந்ததும் அவளில் நெத்தியில் முத்தமிட்டவன் தலையை கொதி விட.

 அவன் இடுப்பை தன் கையால் சுற்றி இறுக்கிக் கொண்டாள் மொழி.

 “என்னடா” என்றான் அவளின்  தடையை பிடித்து.

 “இனி என்ன விட்டுப் போக மாட்டீங்க    தானே” என்றாள் கண்ணில் நீரோடு.

” மாட்டேன் போதுமா” என்றான்  அவளின் தோளை  அணைத்தபடியே.

 ஊம்ம் என்றவள் கண்ணை துடைத்தபடியே அவன் முகத்தை பார்க்க .

 “என்னை தேடு நீயா” என்றான்.

 அவள் “ஆமாம்”  என்று சொல்ல.

 இருவருக்கும் அப்படி ஒரு நிறைவு மனதில் அவ்வளவு சந்தோஷம், இருவருக்கு,,  பழைய  துன்பமெல்லாம்  மறந்து புதிதாக பிறந்தது போல் உணர்ந்தனர்..

 “பசங்க எங்கடா”  என்றான் ரிஷி.

 “அத்தை மாமா கூட வீட்டுக்கு போய் இருக்காங்க.

 உங்கள பாத்தா ரொம்ப சந்தோஷப்படுவாங்க” என்றாள்.

 “நீங்க வீட்டுக்கு போகலையா” என்றாள்.

 “லக்கேஜ் மட்டும் அனுப்பி வச்சிட்டு உன்னை பார்க்க ஓடி வந்தேன்” என்றான்.

 அவளின்  தாடையயை பிடித்து  கொஞ்சிய படியே.

 மொழிக்கு காலில் உள்ள வலி எல்லாம் பறந்து போனது போல இருந்தது.

ரிஷி மட்டும் இப்போது பிரதானமாக தெரிந்தான்.

 கதவை தட்டி விட்டு குகன் வர.

 ரிஷி விலக  போனான்  ஆனால்.

மொழி  விடவில்லை அவன் தோளில் சாய்ந்தபடியே தான் இருந்தாள்.

 “ஏய் குகன் வராண்டி” என்றான் ரிஷி.

 “வந்தா வரட்டும் உங்களுக்கு என்ன” என்றாள்  கண்ணை முடியபடியே.

 “ரெண்டு பேரும் ராசி  ஆயிட்டீங்களா” என்றான் சிரித்தபடியே..

  மொழி ரிஷியின் மேல் சாய்ந்து இருப்பதை பார்த்து.

 “எங்க சமாதானம்  வந்ததிலிருந்து ஒரே அழுகை” என்றான் மொழியை  பார்த்து.

 “அக்கா இந்த மெடிசன் போடணும் சாப்பிடு” என்று அவள் அருகில் வர.

 ஒற்றைக் கண்ணை திறந்து பார்த்தவள் அவன் கொடுத்த மாதிரி எடுத்து வாயில் போட்டு தண்ணீர் குடித்து விட்டு. பாட்டிலை அவனிடம் திருப்பி கொடுக்க.

 “அக்கா நான் வெளியே இருக்கேன்,  நீ மச்சான் கூட இரு” என்றவன் வெளியே போக, போக.

” நீ வீட்டுக்கு போடா, உங்க மச்சான் இருக்காங்க  தானே அவர் பாத்துப்பார்”  என்றாள்  மொழி…

 “அக்கா அவர் ஜப்பானுல இருந்து வந்திருக்காரு பாவம் டயர்டா இருக்கும் அவர் போகட்டும் நான் நைட் பாத்துக்குறேன்” என்றான்.

 “அதெல்லாம் அவரு என்ன பாத்துப் பாரு நீ கிளம்பு ” என்றாள்.

 “பாத்தியா உன் ஆளு வந்த உடனே என்னை கழட்டி விடுற” என்றான் சிரித்தபடியே குகன்.

 “ஏய் மச்சான மரியாதையா  பேசுடா” என்றாள்..

 ரிஷி குகனை பார்த்து சிரித்து “நீ போ குகன்  நான் பாத்துக்குறேன்” என்றான் ரிஷி.

, “சரி” என்றவன் வெளியே தான் இருப்பேன் கூப்பிடுங்க என்று வெளியே சென்று விட்டான்..

 “இவன் அடங்கவே மாட்டான்” என்றால் மொழி.

 ஐந்தே நிமிடம் தான்  அப்படியே ரிஷியின் தோளில் சாய்ந்தபடியே  தூங்கி விட்டாள் மொழி, அவளை மெல்ல பெட்டில் படுக்க வைத்தவன்.

 அவள் பெட்டின்  பக்கத்தில் ஒரு சேரை போட்டு அவனும் அவள் பெட்டில் மேல்  தலை வைத்து  ரிஷி படுத்து விட்டான் .

 குகன் நடு ராத்திரி வந்து பார்க்க இருவரும் நல்ல உறக்கத்தில் இருந்தனர்.

 சிரித்த  படியே கதவை சாத்திவிட்டு  வெளியே சென்று விட்டான்..

 விடியற்காலையில் மொழியின் முணங்கள் சத்தம் கேட்டு தான் எழுந்தான் ரிஷி.

 “என்ன மொழி” என்று கேட்க.

 “ரொம்ப பெயினா இருக்கு, ஃபீவர் வர்ற மாதிரி இருக்கு” என்றாள்.

 ரிஷி அவள் கழுத்தைத் தொட்டுப் பார்க்க அவள்  கழுத்து சூடாக தான் இருந்தது வேகமாக சென்று ஒரு நர்சை அழைத்து  வந்தான்.

 ரிஷி வந்ததும் வெளியே தூங்கிக் கொண்டிருந்தவன் குகனும் சேர்ந்து வர.

 மொழி வலியில் மிகவும் சோர்வாக இருந்தாள்,  காலில் ஆப்ரேசன் பண்ணது வலியை கொடுக்க, ஃபீவர் வேற வந்து இருக்க பீவருக்கும் வலிக்கும் டிரிப்ஸ் செலுத்தப்பட்டது மொழிக்கு…

சிறிது நேரத்தில் பீவர் குறைந்து விட.

நார்மல் ஆனால் மொழி.

ரிஷி அவளின் கையை  பிடித்த படியே அமர்ந்திருந்தான்.

பீவர் விட்டதும் ஓய்வு அறைக்கு மொழி எழுந்து கொள்ள பார்க்க..

அவளை  தூக்கி சென்றவன் ஓய்வு அறை உள்ளே இறக்கி விட்டவன்.

கதவை பூட்ட வேண்டாம். நான் வெளியே நிக்குறேன் கூப்பிடு என்றவன்.

வெளியே சென்று நிற்க.

மொழி  ஓய்வு  அறையில் தன் தேவைகளை முடித்து கொண்டவள்.

கதவை திறக்க..

அவளை அப்படியே  தூக்கி கொண்டு வந்தவன் மெதுவாக அவளை பெட்டில் படுக்க வைக்க..

அவனின் சர்ட்டு கலரை பிடித்த மொழி என் மீது கோபம் போச்சா என்றாள்.

 யாரு மேல கோபப்பட்டு என்ன ஆகப் போகுது மொழி.