உனக்கென இருப்பேன்-23

அண்ணி ப்ளீஸ் அழாதீங்க ! சங்கடமாய்  அவள் தோள் தட்டினாள் அச்சு .

எனக்கு இதெல்லாம்  சத்தியமா தெரியாது அச்சு …. உங்க அண்ணன் என் மேல் இவ்வளவு கருணை காட்டி இருக்காறே …எத்தனை ஜென்மம் எடுத்து இந்த நன்றி கடனை அடைப்பேன் ! தேம்பி தேம்பி அழுதாள் . 

பேசி பழகாத என் மேல்  இவ்வளவு  நெசமா நேசமா ? நான் எங்கேயும் இவ்வளவு அன்பை கேள்வி பட்டது கூட இல்லை .

கடவுள் என் வாழ்வை பறிச்ச்சுட்டாருன்னு கோபமா இருந்தேன் …பறித்ததற்கு ஈடான  வாழ்வை திருப்பி கொடுத்துட்டாரு! எவ்வளவோ பாவம் பண்ணியிருந்தாலும் கொஞ்சம் புண்ணியம் பண்ணியிருக்கேன் போல ….முகத்தை  மூடி அவ்வளவு அழுதாள் .

அண்ணி அண்ணாவோட காதல் பவித்ரமானது . பல போராட்டங்களுக்கு பிறகு அது கை  கூடி இருக்கு . வினோத் காதலியை எங்க அண்ணன் லவ் பண்ணலை ….எங்க அண்ணன் ஒருதலையா நேசித்த கீர்த்தியை தான் வினோத் லவ் பண்ணி மேரேஜ் பண்ணினாரு .

  தயவு செய்து நீங்க அவரை தெய்வமா நினைத்து பூஜை பண்ணனாம கணவனா நினைத்து அவரோட சந்தோஷமா  வாழுங்க ! அவரோட காத்திருப்பு, வேதனை,  வலி  எல்லாம் எனக்கு தான்  தெரியும் .  கீர்த்தியின் கரம் பற்றி மென்மையாய் அழுத்தினாள் அக்ஷ்யா .

அச்சும்ம்மா அத்தை மாமா உங்களை அருமையா வளர்த்திருக்காங்க….நெகிழ்ந்து போனாள்.

அண்ணன் வெறித்தனமா படித்து வேலை தேடிகிட்டதே உங்களுக்காக தான்.

அண்ணன் நீங்க கிடைக்கலைன்னு பட்ட வேதனையை விட வினோ அண்ணனை இழந்து நீங்க நின்னப்போது அவர் துடித்ததும் அழுததும் அப்பா…..நினைச்சாலே பதறுது !

இனியாவது மகிழ்ச்சியா ரெண்டு பெரும் வாழனும் அண்ணி …. அண்ணன் நாலு வருஷம் ரொம்ப கஷடப்பட்டிருச்சு !

ம்ம்ம்ம்ம் என்று தலை அசைத்தாள் கீர்த்தி .

அஸ்வின் அயர்ந்து உறங்கி போனான் , கீர்த்திக்கு தான் உறக்கமே இல்லை .

எப்படி இது சாத்தியம் ? என்னை பார்த்து எனக்காக இவ்வளவு செய்திருக்கிறார் . என் கண்ணில் படவில்லையே ….

எனக்காகவா ? அவளால் பிரம்மிப்பில் இருந்து மீள முடியவில்லை .

“…………………………………”

என்னங்க குழந்தை தூங்குறான் பார்த்துக்கோங்க !  என்றவளை வியப்பாய் பார்த்தான் .

என்னடா இது ? மேடம் அவஙக்ளா வந்து பேசிட்டு போறாங்க ! நம்ப முடியாமல் அமர்ந்திருந்தான் .

என்னங்க பல் தேய்ச்சுட்டீங்களா? காபி தரவா ? உள்ளிருந்து குரல் கொடுத்தாள்.

தூங்கி எழுந்தவுடனே இவளுக்கு என்ன ஆச்சு ? “பே” என்று பார்த்துக் கொண்டிருந்தான் .

இட்டலி பண்ணவா ? ரவா பொங்கல் பண்ணவா ? காபி கப்பை கொடுத்து விட்டு அவன் முகம் பார்த்து கேட்டாள் .

அண்ணி ரவா பொங்கல் பண்ணுங்க! கொட்டாவி விட்டபடி வந்து நின்றாள் அச்சு .

சரி பண்ணிட்டா போச்சு !

அண்ணி சட்னி வேண்டாம் , எனக்கு சாம்பார் தான் பிடிக்கும் !

ஏய் தீனிப்பண்டாரம் அவ  என்ன ஹோட்டலா நடத்திட்டு இருக்கா ? நீ ஆர்டர் பண்ணிட்டு இருக்க …. தங்கையை முறைத்தான் .

அவளை ஏன் முறைக்கிறீங்க ? கணவனை முறைத்தபடியே நகர்ந்தாள் கீர்த்தி .

ஹல்லோ உன் பொண்டாட்டி எனக்கு சமைத்து போட்டு இடுப்பொடிந்து போயிட்டாங்களாக்கும்.? அக்ஷயா முறுக்கிக் கொண்டாள்.

அவ குழந்தையை வைத்துட்டு எவ்வளவு வேலை செய்வா ? அதுக்கு தான் சொன்னேன் . ஏதாவது சிம்பிளா செய்தால் போதும் என்றான் .

சார்  ரொம்ப தான் உருகறீங்க ! ஊரு உலகத்துல யாரும் கைகுழந்தையை வச்சிட்டு வேலை செய்யறதே இல்லை …. இவர் பொண்டாட்டி தான் அதிசயம்,

அச்சு இதுக்கு பேர் தான் நாத்தனார் கொடுமையோ ? அஸ்வின் கேட்ட விதத்தில் அக்ஷயாவிற்கு சிரிப்பு வந்துவிட்டது .

அச்சு கிச்சனுக்கு போய் அண்ணிக்கு ஹெல்ப் பண்ணு ! தங்கையை விரட்டினான் .

“…………………………….”

அண்ணி என்ன உளுந்து ஊறவச்சிருக்கீங்க ? 

கொஞ்சம் வடை பண்ண போறேன் 

நான் வெங்காயம் கட் பண்றேன்  அண்ணன் கூப்பிடறாரு என்னனு போய் பாருங்க !

ஏங்க கூப்பிட்டிங்களா ? கையை துடைத்துக் கொண்டு வந்து நின்றாள் .

நானா …..? ம்ம்ம்ம் ஆமா கூப்பிட்டேன் 

இந்த ஷர்ட்டை கொஞ்சம் அயர்ன் பண்ணி தறியா ?

ஏற்கனவே நாலு ஷர்ட் அயர்ன் பண்ணி வச்சிருக்கேன் பாருங்க !

அவள் மீண்டும் கிச்சனுக்குள் புகுந்தாள் .

என்ன அண்ணி அதுக்குள்ள வந்துட்டீங்க ?  

அயர்ன் பண்ணணுமாம் !

இந்த அண்ணி சுத்த வேஸ்ட் ….தலையில் அடித்துக் கொண்டாள் . இந்த அண்ணன் அதுக்கு மேல தெண்டம் . ரெண்டும் சேர்ந்திருக்கு பாரு….நொந்து கொண்டாள்.

சாம்பார் தானே வைக்கப்போறீங்க ?அதுக்கு ஏன் தேங்காய் துருவறீங்க ?

காரம் இல்லாத கெட்டியான தேங்காய் சட்னி உங்க அண்ணனுக்கு ரொம்ப பிடிக்கும் என்றாள் பெருமிதமாக .

ம்க்கும் …. இது மட்டும் தெரிந்து வச்சிருக்கீங்க ! உள்ளுக்குள் முணுமுணுத்தாள் .

அச்சு குழந்தை அழறான் பாரு ! அஸ்வின் குரல் கொடுத்தான் .

அச்சு  போ ….குழந்தையை பாரு ! நான் டிபன் முடிச்சுட்டு வரேன் .

அண்ணி இதை கன்டினியூ பண்றேன் நீங்க போய் உங்க புருஷரையும் புள்ளையையும் கவனிங்க ! பொறுத்து பார்த்தவள் சொல்லியே விட்டாள் .

குட்டி தங்கத்துக்கு பசிக்குதா ? அம்மா வேணுமா ? குழந்தையை கன்னத்தோடு கன்னம் இழைத்து கொஞ்சினான் .

என்னமா ….செல்லம் எழுந்துடீங்களா ? தாய் அவள் குரல் கேட்டு பிள்ளை துள்ளியது .

குழந்தையை அவளிடம் கொடுத்தான் அவன் கை அவள் கையோடு .உரசிவிட்டது  சாரி …என்றபடி வெளியேறிவிட்டான்.

“………………………………….”

அஸ்வின் அவசரமாய் ஆபீஸ் கிளம்பி கொண்டிருந்தான் .

என்ன கீர்த்தி தியானு குட்டி என்ன பன்றான் ? 

வாங்க மஞ்சுமா ! அவன் அத்தையோட விளையாடறான் .

யாரு ? உன் நாத்தனாரா ?

ஆமா மஞ்சுமா  நேத்து சாயந்திரம் வந்தா, நீங்க எஅதோ பங்க்ஷனுக்கு போயிட்டிங்க ,

அச்சு இங்கே வாயேன் !

என்ன அண்ணி ….குழந்தையை கொஞ்சிக் கொண்டே வந்தாள் .

இவங்க மஞ்சுமா ….ஹவுஸ் ஓனர் ! இவங்க பிள்ளை சரவணன் உங்க  அண்ணன்  கூட தான் வேலை பார்க்கிறார்.

வணக்கம் ஆன்டி ! அழகாய் ஒரு புன்னகை பூத்தாள் . அஸ்வின் ஜாடையில் இருந்தாள்.

நல்லா இருக்கியாம்மா? அம்மா ,அப்பா எலாம் சௌக்கியமா ?

எல்லாரும் நல்லா இருக்காங்க ஆன்ட்டி . அண்ணன் உங்களை பத்தி நிறைய சொல்லி இருக்காரு . அண்ணனை நல்லா பார்த்துக்கறீங்களாம் …தேங்க்ஸ் ஆன்ட்டி .

இதுல என்னமா இருக்கு எனக்கு சரவணன் மாதிரி தான் அஸ்வினும் ! அவளை ஆசையாய் ஊடுருவி பார்த்தார் .

அச்சு மஞ்சுமாக்கு வடை கொண்டு வந்து கொடு !

பொண்ணு ரொம்ப அழகா இருக்கா கீர்த்தி ….மஞ்சுளாவின் முகத்தில் அத்தனை பிரகாசம் .

அம்மா …அம்ம்மா ….சரவணன் கீழிருந்து குரல் கொடுத்தான் .

சரவணன் கூப்பிடறான் …நான் குழந்தையை  தூக்கிட்டு போறேன்  .நீ வேலை   இருந்தா பாரும்மா .

அச்சு மஞ்சுமா வீட்டுக்கு போயிட்டாங்க ! நீ போய் வடை கொடுத்துட்டு வந்துடு .

ஆன்ட்டி ….ஆன்ட்டி அக்ஷயா குரல் கொடுக்க …..

அம்மா யாரோ கூப்பிட்றாங்க என்றான் சரவணன் .

அக்ஷயா …..வாம்மா!

சரோ ….இவ  அஸ்வினோட தங்கைடா ….அக்ஷயான்னு பேரு .

அப்படியா ? மலர்த்தி பார்த்தான் .

என்ன படிக்கிறீங்க ?

MSC மேத்ஸ் பைனல் இயர் என்றாள் எங்கோ பார்த்தபடி .

ஓ…என்றவன் முகத்தில் பளிச்சென்ற மின்னல் .

உட்காரும்மா…காபி கொண்டு வரேன் .

வேண்டாம் ஆன்ட்டி நான் மார்னிங் மட்டும் தான் காபி சாப்பிடுவேன் . தவறா நினைக்காதீங்க ப்ளீஸ் !  கெஞ்சுதலாய் வால் பார்த்த பார்வை அவனை வாரி சுருட்டியது .

வீட்டை சுத்தமா அழகா வச்சிருக்கீங்க ஆண்ட்டி .

சாப்பிட்டு சும்மா வீட்டுல உட்கார்ந்திருக்கேன் வீட்டை கூட கவனிக்கலைனா எப்படி ? குறும்பாய் சிரித்தார் .

என்ன ஆண்ட்டி இப்படி சொல்லிட்டீங்க ?  ஹவுஸ் வைஃபா இருக்கிறது எவ்வளவு கஷ்டம் !

பாருடா ….கொஞ்ச நேரத்துல அம்மாவோட ஜெல்லாகிட்டா ….!சரவணன் ஆச்சரியப்பட்டு  போனான் .

வாம்மா சாப்பிடு !

இல்லை ஆன்ட்டி நான் அண்ணியோட சாப்பிட்டுக்கிறேன் மதியம் உங்க  கூட லன்ச் சாப்பிடறேன் . அப்போ தான் நிறைய வெரைட்டி இருக்கும் அழகாய் சிரித்தாள் .

சாப்பிட்டுக் கொண்டிருந்த சர்வணனுக்கு மனசெல்லாம் அவளையே சுற்றி சுற்றி வட்டமடித்தது .

“……………………………”

இன்னும் ஒரு வடை வச்சிக்கோங்க ! சட்னி…. இன்னும் ஊற்றினாள் .

போதும் ….போதும் ஏற்கனவே மூணு வடை சாப்பிட்டாச்சு .

இந்த வயசுல நாலு வடை சாப்பிடறதுனால ஒன்னும் ஆகிடாது .

அவன் அமைதியாகி சாபிட்டான் . மதியம் லஞ்சுக்கு வந்துடுங்க  என்றாள் .

ம்ம்ம்ம்ம்ம் என்றான் அவளை பார்த்தபடி .

என்றும் இல்லாமல் அவன் பார்வையில் சிவந்து தலை கவிழ்ந்தாள் .

குழந்தைக்கு பொங்கல் ஊட்டினான் .

வேண்டாம் ….அவனுக்கு செரிக்காது ! நான் கஞ்சி செய்து ஊட்டிக்கிறேன் என்றாள் .

ம்ம்ம்ம் என்றவன் ஆபிஸ் கிளம்பினான் .

ஏதாவது வாங்கிகிட்டு வரணுமா ? ஓர விழியில் பார்த்து கேட்டான் . இன்று அவ்வளவு பொலிவுடன் இருந்தாள் . பார்வையை விலக்க சிரமப்பட்டான். உடல் நடுங்கி முறுக்கியது .

வேண்டாம் எல்லாம் இருக்கு …ஈவினிங்க் சீக்கிரம வாங்க ! அச்சுவை எங்காவது கூட்டிட்டு போய் வரலாம் என்றாள் 

சரி என்றவன் குழந்தையிடம் திரும்ப …..தியானு குட்டி அப்பாக்கு பை சொல்லுங்க என்றாள் . குழந்தையின் பிஞ்சு கரம் பற்றி டாடா காண்பித்தாள் .

அச்சு எங்கே ?

மஞ்சுமா வீட்டில் இருக்கா எ.

சரி நான் கிளம்புறேன் !  கண்களால் விடைபெற்றான் தலை அசைத்து விடை கொடுத்தாள் .

அம்மா நான் ஆபிஸ் கிளம்புறேன் என்றான் சரவணன் .

சரவணனும் அஸ்வினும் ஒரே பைக்கில் கிளம்பினார்கள் .

அண்ணன் கிளம்பிட்டாரா ?

ம்ம்ம்ம் இப்போ தான் 

சரி வா சாப்பிடலாம் !

நீங்க அண்ணனோட சேர்ந்து சாப்பிடறத்துக்கு என்ன ?

அதுக்கு தான் மேடம் மஞ்சுமா வீட்டில் டேரா போட்டுட்டு வாரீங்களா? பெருமையாய் நாத்தனார் கரம் பற்றினாள் .

புரிஞ்சா சரி ! குறும்பாய் கண்சிமிட்டினாள் .

பேச்சும் சிரிப்புமாய் இரு பெண்களும் உண்டு முடித்தனர். கையோடு மதிய சமையலும் செய்யத் தொடங்கிவிட்டனர் .

அண்ணி நான் தியானுவை குளிப்பாட்டவா ? ஆசையாய் கேட்ட்டாள் .

சரி ….நீயும் பிராக்டிஸ் பண்ணிக்கோ ! சீக்கிரம் அந்த நிலை வரும் .

ஐய்ய ….போங்கண்ணி வெட்கத்தில் சிவந்து போனாள் அச்சு 

“………………………..”

அச்சு இன்னைக்கு லன்ச் என்கூட தான் …உரிமையாய் அழைத்தார் மஞ்சுளா .

மறப்பேனா ….? இன்னைக்கு ஆன்ட்டி வீட்டுல ஒரு கட்டு ! சிரிப்புடன் ஆமோதித்தாள் .

அண்ணி நான் ஆன்ட்டி கூட சாப்பிட்டுகிறேன் நீங்க அண்ணன் வந்தா சாப்பிடுங்க ! குழந்தையை கொஞ்சிக் கொண்டே சென்றுவிட்டாள் .

“…………………………..”

அஸ்வின் வர இன்னும் நேரம் இருக்கிறதி என்று படுத்தவள் மெல்ல கண்ணயர்ந்தாள் .

ஷர்ட்டை கழட்டி ஹேங்கரில் மாட்டிவிட்டு முகம் கழுவி வந்தான் 

கீர்த்தி படுத்திருந்த கோலம் கண்டு துணுக்குற்றான் .

காலையில் நல்லா இருந்தாளே ….தலை வலியா? தயங்கியபடியே மெல்ல அவள் நெற்றியை தொட்டு பார்த்தான் .

அவன் ஸ்பரிசத்தில் கண்விழித்தவள் ….சாரி என்று வாரி சுருட்டிக் கொண்டு எழுந்தாள் 

ஹே …ரிலாக்ஸ் …முடியலைன்னா படுத்துக்கோ ! நான் எடுத்து போட்டு சாப்பிட்டுக்குவேன் என்றான் .

இல்லை எனக்கு ஒன்னும் இல்லை சும்மா படுத்தேன் அப்படியே  லேசா தூங்கிட்டேன் .

வாங்க சாப்பாட்டைக்கு எடுத்து வைக்கிறேன் ! அவள் பரிமாற தொடங்கினாள் . ஏனோ அவள் சோர்வுடன் இருப்பதாக பட்டது .

நீ சாப்பிட்டியா ?

நீங்க சாப்பிடுங்க! நான் அப்புறம் சாப்பிட்டுக்கிறேன் .

மணி ஒன்னேகால் ஆகுது ! அப்புறம் எப்போ சாப்பிட்டப்போற ? அவளுக்கும் தட்டு எடுத்து வைத்தான் .

வேறு வழி இல்லாமல் அவளும் அமர்ந்தாள் .

இன்னும் கொஞ்சம் கூட்டு வச்சிக்கோ … அவளுக்கு சௌசௌ கூட்டை நிறைய அள்ளி வைத்தான் .

கேரட் தானே …..சாப்பிட என்ன ? மிச்சம் வைக்காம சாப்பிட்டு ! அவன் அதட்டலில் பிடிக்காத கேரட் பொரியலை  பயந்து முழுங்கினாள் 

இவ என்ன சின்ன பிள்ளை மாதிரி சாப்பிட்றா ? இவ்வளவு நாளா இதை கவனிக்காம விட்டுட்டோமே …..

நல்லா சமைக்க தெரிந்தா போதாது …நல்லா சாப்பிடவும் தெரியணும் ! இனி சரியா சாப்பிடணும் ! நீயே இந்த லட்சணத்துல சாப்பிட்டா உன்னை பார்த்து வளரும் குழந்தை எப்படி சாப்பிடுவான் ?

ஐயோ ….இவன்கிட்ட மாட்டிகிட்டோமே ….திருதிருவென விழித்தாள் ..

ஈவினிங் நேரமா வரேன் .கிளம்பி ரெடியா இருங்க ! பீச்சுக்கு போயிட்டு வரலாம் என்றான் .