என் காதல் கனா 11
சதீஷ், விவேக் இருவருமே அமைதியான மனநிலையுடன் மீத பயணத்தைத் தொடர்ந்தனர். கல்லூரி டார்ம் அறைக்கு நுழைந்ததும் அவரவர் அறைக்குள் சென்று முடங்கிக் கொண்டனர். டார்மிட்டரியில் சதீஷிற்கும் விவேக்கிற்கும் வேறு வேறு அறைகள் கொடுக்கப்பட்டிருந்தன. முதலில் கொஞ்சம் அசெளகரியமாக இருந்த போதிலும், உறங்கும் நேரம் தவிர இருவரும் ஒன்றாகவே இருந்த காரணத்தினால் இந்த சிறு அசெளகரியம் பழகிப் போயிற்று.
ஆனால் இன்று, சதீஷிற்கு தனியறை இருந்ததை எண்ணி பெருமூச்சு விட்டான். தன் உணர்வுகளை மறைத்துக் கொண்டு நீண்ட நேரம் தாக்குபிடிக்க இயலவில்லை. “டையர்டா இருக்குடா, நான் சீக்கரம் படுக்கப்போறேன்”என்று விவேக்கிடம் விடை பெற்றுக் கொண்டு தன் அறைக்குள் முடங்கிக் கொண்டான். விவேக்கிற்கு சுஜினியைப் பற்றி தனது எண்ணங்களையும், சதீஷ் என்ன நினைக்கிறான் என்பதையும் தெரிந்து கொள்ள ஆர்வமாக இருந்தது.ஆயினும், உறங்கச் செல்கிறேன் என்று சொல்பவனை இழுத்துப் பிடித்து நிறுத்தி வைப்பது நியாயமாகத் தோன்றவில்லை. “குட் நைட் சத்தீ..நாளைக்குப் பார்க்கலாம்”என்று மொழிந்துவிட்டு விவேக் தனது அறைக்குள் சென்றுவிட்டான்.
சதீஷ் நண்பனிடம் இருந்து ஓடாத குறையாக தன் அறைக்குள் முடங்கியவன், கட்டிலில் கிடந்த துணிகளையும், திறந்து கிடந்த புத்தகங்களையும் அள்ளி, மேஜை மேல் கொட்டிவிட்டு அமர்ந்தான். அவனது அறைத் தோழன், ரான் என்று அழைப்பட்ட ரோனால்ட், ஏற்கனவே அவனது கட்டிலில் கும்பகர்ண சேவையில் ஈடுபட்டிருந்தான். புத்தகங்கள் மேஜை மேல் எழுப்பிய சத்தம் கேட்டு விழித்தவன், “ஹாய் டியூட்…. இப்போ தான் வந்தியா?”என ஆங்கிலத்தில் வினவ, எப்போதும் சினேகமாக பதிலளிக்கும் சதீஷ், அன்று தலையை மட்டுமே அசைத்தான்.
“ஆர் யூ ஆல்ரைட் சத்தீ?” என்று வினவிய ரோனால்ட், எழுந்து கட்டிலில் அமர்ந்தான். சதீஷிற்கு சங்கடமாக இருந்தது. ஒரு மாத பழக்கத்திலேயே ரோனால்டிற்கு நான் சோர்ந்து போயிருக்கிறேன் என்று கண்டுகொள்ள முடிந்திருக்கிறது. அப்படியென்றால் ஆறு வருட பழக்கம் கொண்ட விவேக்கிற்கு என் மனம் தெரிந்திருக்குமோ என யோசனையுடன் கையில் பிடித்திருந்த பெட் ஷீட்டை இன்னமும் இறுக்கமாகப் பற்றினான்.
“ஆர் யூ ஆல்ரைட் மேன்? ஃபீலிங் சிக்?”என்று வினவிய ரோனால்டை கொஞ்சம் கேள்வியுடன் நோக்கினான் சதீஷ். “வை டு யு ஆஸ்க் சோ? ஆம் ஐ லுக்கிங் சிக்?” என்று பதிலுரைக்காமல் கேள்வியாக வினவிய சதீஷை ஆச்சர்யமாக நோக்கிய ரோனால்ட், “சம்திங் இஸ் ராங்….பிகாஸ் யு ஆர் ஃபோல்டிங் தட் சேம் குவில்ட் ஃபார் த தேர்ட் டைம் நைள” என்று மடித்த மெத்தை உரையை மூன்றாவது தடவையாக மடித்துக் கொண்டிருக்கிறாய் என சின்ன சிரிப்புடன் மொழிய, ரோனால்டுடன் சேர்ந்து சதீஷும் புன்னகைத்தான்.
“கெஸ் வாட், ஐ நீட் அ பஃப் பேட்லி நைள….. கேன் வீ கோ ஃபார் எ வாக்?”என்று மொழிந்த சதீஷ், ரோனால்டை சிகரெட் பிடிப்பதற்காக அழைக்க, ரோனால்டும், தன் ஸ்வெட்டரை அணிந்த வண்ணம் எழுந்து கொண்டான். சதீஷிற்கு விவேக்கை எழுப்பி அழைத்துச் செல்லாமா என விவேக்கின் அறையை கடக்கும் முன்னர் கால்கள் தயங்கின. இருந்தும் இப்போதைய மன நிலையில் விவேக் இல்லாத தனிமையும், கொஞ்சம் அறிவுரையும் தேவையாக இருந்தது. ரோனால்ட் இதுவரை மூன்று முறை காதலித்து தோல்வியுற்றிருக்கிறான் என வந்த சில தினங்களிலேயே தெரிவித்திருந்தான். அதனால் ரோனால்டிடம் தன் மனதை வெளிபடுத்தி என்ன நினைக்கிறான் என தெரிந்து கொள்வது நல்ல யோசனையாக இருந்தது.
[the_ad id=”6605″]
ரோனால்டும், சதீஷும் டார்மிட்டரியில் இருந்து கீழே இறங்கி ஆர்கன் சிட்டி ஸ்குவேயர் நோக்கி நடக்கத் துவங்கியிருந்தனர். நேரம் எட்டு முப்பதைக் கடந்திருந்தது. சில்வண்டுகளின் சத்தமும், அவ்வப்போது கடந்து சென்ற கார்களின் டயர் ஒலியும் தவிர நிசப்தமாக இருந்தது. கோடை காலமானாலும் குளிர் மைனஸ் டிகரியை தொட்டிருக்கும் போல் உடம்பை ஊசியாக குத்திச் சென்றது. கேம்பஸ்ஸை விட்டு வெளியே வந்து அருகில் இருந்த செவன்–இலவன் கடையில் ஒரு பாக்கெட் டன்ஹில் சிகரெட் பாட்கெட்டை ஒன்றை வாங்கிக் கொண்டு வெளியேரும் வரைக்கும் எதுவும் பேசவில்லை. ஆளுக்கு ஒரு சிறிய கொள்ளிக் கட்டையை பற்ற வைத்து, குளிருக்கு இதமாக நீண்ட ஆழமான மூச்சை இழுத்த பின் தான் சதீஷிற்கு மாலையில் தொடங்கிய படபடப்பு கொஞ்சம் அடங்கியது.
“வாட் ஹேப்பண்ட்?”என்று ரோனால்ட் வினவ, இவனிடம் எப்படி சொல்வது என்ற தயக்கத்துடனும், விவேக்கிற்கு துரோகம் போல் இருக்குமோ என்ற குற்ற உணர்வுடனும் சதீஷ் தொண்டையை கணைத்துக் கொண்டு மெல்ல ஆரம்பித்தான்.
“ரான்…. நான் உனக்கு ஒரு ஹைபாத்தட்டிக்கல் சிட்யுவேஷன் சொல்லறேன். உன்னால அதுக்கு ஒரு சொல்யுஷன் சொல்ல முடியுமா?”என்று ஆங்கிலத்தில் வினைவினான்.
“நான் ஏதோ கேர்ஸ் பத்தி பேசப் போறன்னு நினைச்சேன்….ஸ்ட்டீஸ் சம்பந்தமா கேட்கற யூ சிங்கல் மைண்டட் இடியட்..”என ரான் சதீஷ் தோளில் செல்லமாக இடிக்க,
“ஒரு விதத்தில ஒரு கேர்ள் சம்பந்தப்பட்டது தான். வில் யூ ஆன்சர் ரான்?”
“ஐ வில் ட்ரை…கமான் ஷுட்”
இருவரும் நடையின் வேகத்தை வெகுவாகக் குறைத்திருந்தனர். தெருவிளக்கின் மங்கிய ஒளியில் மெல்லமாக நடந்து கொண்டே சதீஷ் ரானிடம் தன் மனக்குழப்பத்தை வெளியிட்டான். “சரி, இப்போ நீ ஒரு லவ் ஃபெயில்யர் பையன். நீயும் உன்னோட கிலோஸ் ஃப்ரெண்டும் ஒரு பொண்ணை ஒரே நேரத்தில மீட் பண்ணறீங்க… பார்த்த உடனே உனக்கும் அந்த பொண்ணுக்கும் சின்ன ஒரு மிஸ் அண்டர்ஸ்டாண்டிங்… பட், உன் ஃப்ரெண்டு அவகிட்ட நல்ல விதமா நடந்துக்கறான். ஹி இஸ் ட்ரையிங் டு இம்பிரஸ் ஹர்….இது வரைக்கும் புரியுதா?”என ரானிடம் ஆங்கிலத்தில் வினவினான்.
பலமாக தலையை அசைத்த ரான்,”யு மீன், நீயும், உன் ஃப்ரெண்டு விவேக்கும்..கரெக்ட்?”
“ஜீனியஸ் நீ….இதுல ஹைப்போதட்டிகல், அதாவது கற்பனை சூழ்நிலை….நானோ, விவேக்கோ இல்லை….இத முதல்ல மண்டையில ஏத்திக்கோ… இப்போ கேளு…. அந்த பொண்ணை விவேக், ஐ மீ அந்த ஃப்ரெண்டு இம்பிரஸ் பண்ண ட்ரை பண்ணறான்…”என்று நிறுத்திய இடத்தில், சதீஷின் தடுமாற்றத்தை கண்டு ரான் சிரித்தான்.
“சரி, சரி, நானும், விவேக்கும் தான் ஒ.கேவா…பட், ப்ளீஸ் டோண்ட் எவர் டிஸ்கஸ் திஸ் வித் ஹிம்….சரியா…” என்று ரானின் நக்கல் சிரிப்பைக் கண்ட சதீஷி மொழிய, ரான் தன் ஒல்லி கைகளை நீட்டி தம்ஸ் அப் காட்டிய பின், சதீஷ் மீண்டும் தொடர்ந்தான்.
“சோ, நானும், விவேக்கும் ஒரு பொண்ணை மீட் பண்ணோம். ஃப்ளைட்ல. எங்க ஊர் தான். நீ கூட இன்னைக்கு ரெண்டரெண்டில பார்த்திருப்ப, ஷி இஸ் த கேர்ள்… விவேக்குக்கு அவளை ரொம்ப பிடிச்சிருக்கு. எனக்கு பார்த்தாலே தெரியுது.”
“ம்ம்ம்..இதுல உனக்கு என்ன பிராப்ளம்….அந்த பொண்ணுக்கு பிடிச்சா, லெட் தெம் கேரி ஆன்”
[the_ad id=”6605″]
“கரெக்ட்…. ஆனா, அந்தப் பொண்ணு என்னைப் பார்க்கற மாதிரி எனக்கு ஒரு ஃபீல்…” என்று முடித்துவிட்டு ரானின் முகம் பார்த்தான். ரான், தன் சிவந்த உதடுகளை பெரிதாக திறந்து, திறந்து மூடி, தலையை சிலுப்பிக் கொண்டான். “உனக்கு அந்தப் பொண்ணை பிடிச்சிருக்கா? டு யு ஆல்ஸோ லவ் ஹெர்?”
“ஸே சே..நாட் லவ் அண்ட் ஆல்… ஜஸ்ட் பிடிச்சிருக்கு.. ஏன்னு கேட்காத.. ஐ டோண்ட் ஹேவ் எ ரீசன்.”
“ஓ…அந்த பொண்ணுக்கு உன்னோட லவ் ஃபெயில்யர் பத்தி தெரியுமா?” என்று தன் ஆச்சர்யத்தை வெளிபடுத்தினான் ரான்.
“இல்லை, தெரியாதுன்னு நினைக்கறேன்…ஆனா விவேக் அந்த பொண்ணுகிட்ட பேச ஆரம்பிச்சதுக்கு அப்பறம் எப்படியும் சொல்லிடுவான். பிகாஸ் நேத்து தான் ஃபோன் நம்பர் ஷேர் பண்ணிகிட்டாங்க…பட், தெரியறப்போ இட் வில் பி எ ப்ராப்ளம்”
“கமான் மேன்…ஜஸ்ட் ஒரு லவ் அஃபேர்…தட் டு விதவுட் செக்ஸ்… இதுல என்ன பிராப்ளம் வரப்போகுது?”
“உனக்கு தெரியாது ரான். செக்ஸ் இஸ் சம்திங்க வெரி ப்ரெஷியஸ் டு அஸ். நாங்க இந்த விஷயத்தில கொஞ்சம் கன்சர்வேட்டிவ்.. அதே மாதிரி தான் காதலும். மனசு சம்பந்தப்பட்ட உணர்வு. நாளைக்கு அந்த பொண்ணுக்கு என்னோட லவ் ஃபெயில்யர் தெரியறப்போ அது கொஞ்சம் நெருடலா தான் இருக்கும்..”என்று பதிலத்தான் சதீஷ்.
“ஐ..சீ? சோ, யூ ஆல்சோ லைக் ஹர்?”
“நாட் ஸ்யூர்…”என்று சிரிப்புடன் மொழிந்த சதீஷ், “பட், என்னோட என்ஸ்–கர்ள் ஃப்ரெண்ட் கிட்ட ப்ரேகப் ஆகி இன்னும் ரெண்டு மாசம் கூட ஆகலை, அதுகுள்ள இன்னோரு பொண்ணை பிடிக்குதுன்னு சொன்னா, தப்பு இல்லையா….”
“இதுல என்ன தப்பு சதீஷ்? எங்க நாட்ல, லவ் பண்ணிட்டு இருக்கறப்போவே, இன்னொரு பொண்ணை பிடிச்சிருந்தா, கூலா பாய் சொல்லிட்டு போயிடுவாங்க… கல்யாணம் ஆனா கூட ஈசியா பிரிஞ்சிடுவாங்க….பட், யூ இந்தியன்ஸ் ஆர் கல்சர் ஓரியண்டட்..நைஸ்…வெரி நைஸ்…”
“யா யா… ரொம்ப… அதுலையும் நாங்க, சவுட் இந்தியன்ஸ் வேற…அக்டியுவலி எங்க ரூல் படி, நான் என் பழைய கர்ள் ஃப்ரெண்டோட நினைவுகளை நினைச்சு வருத்தப்பட்டு சோகமா இருக்க வேண்டிய சீசன் இப்போ…தேவ்தாஸ் யு நோ… உனக்கு எப்படி தெரியும்.. அந்த மாதிரி நான் சுத்த வேண்டிய சீன் இப்போ.. ஆனா நான் அடுத்த பொண்ணு பின்னாடி எப்படி சுத்தறதுன்னு ஐடியா கேட்டுட்டு இருக்கேன்”என்று ரானுக்கு புரியும் விதமாக விளக்கினான் சதீஷ். தன் வார்த்தைகளைக் கேட்டு சதீஷிற்கே சிரிப்பு வந்தது.
“எதுக்கு சிரிக்கற சதீஷ்?” என்று தலையை சிலுப்பிக் கொண்டு தனக்குத் தானே சிரித்தவனிடம் ரான் வினவினான்.
“இல்லை, இன்னும் அந்த பொண்ணு கூட பேசவே ஆரம்பிக்கலை…அதுகுள்ள இவ்ளோ கன்ஃபியுஷன்…”
“இன்னொரு விஷயம் நீ சொல்லவேயில்லையே…அந்த பொண்ணு உன்னை பார்க்கறது உனக்கு எப்படி தெரியும்?”
“ஓ….அதுவா, ஜஸ்ட் ஒரு ஃபீல் தான். சீ, அவ விவேக்ட்ட ஃப்ரெண்டிலியா பேசறா.. ஆனா, அவ கண்ணு என்கிட்ட வந்து வந்து போகுது. என்னை அவாய்ட் பண்ண நினைக்கறா. ஆனா முடியலை. இன்னைக்கு ரெஸ்டரெண்டில கூட, பார்க்ககூடாதுன்னு வாண்டடா அவாய்ட் பண்ண மாதிரி நடந்துகிட்டா. அப்பறம் ஸ்டிரீட்ல, விவேக்கிட்ட பேசிட்டே இருந்தாலும், அவ கண்ணு நான் எங்க இருக்கேன்னு தேடினதை நான் கவனிச்சேன். நான் அவளை பார்த்ததையும் அவ நோட் பண்ணா…”
“ஐ சீ…… அப்போ விவேக்கு அந்த பொண்ணு உன் மேல இன்டிரஸ்ட் காமிக்கறது கொஞ்சம் எரிச்சலாகும் இல்லையா…”
“கண்டிப்பா…கோவம் வருது. ஆனா அந்த கோவம் தப்பு ரான். தப்புன்னு என் மூளைக்கு நல்லாவே தெரியும். ஆனா மனசுக்கு புரியலை..”
“ஆல் இஸ் ஃபேர் இன் லவ் அண்ட் வார்…யு நோ” என்றான் ரான் அமைதியாக. சதீஷ் புன்னகைத்தான்.
“ விவேக்கு லேசா என்மேல ஒரு டவுட் இருக்கு. ஆனா அவனால நேரடியா கேட்க முடியலை. ஐ ஃபீல் சாரி பார் ஹிம்…அவன் என்னோட பெஸ்ட் ஃப்ரெண்ட். இவ்வளோ வருஷத்தில அவனுக்கு ஒரு கர்ள் ஃப்ரெண்டு கூட கிடையாது. அவனுக்கு பிடிச்ச மாதிரி ஒரு பொண்ணு இப்போ தான் கிடைச்சிருக்கா, அதுக்குப் போட்டியா நானே நிக்கறேன்…ஐ ஃபீல் கில்டி டூ ரான்…” என்று கூறிய சதீஷ் உண்மையான வருத்தத்துடன் பேசுவதைக் கண்ட ரான், சதீஷின் தோளில் லேசாக தட்டிக் கொடுத்தான்.
“ஓஓஓஓஓ…சில் அவுட் சதீஷ்….திஸ் இஸ் லவ் மேன்…பார்கெயின் இல்லை…நான் தான் முதல்ல பார்த்தேன், பேசினேன்னு சொல்லவே முடியாது. அதுவுமில்லாம, நீ நினைக்கறது மாதிரியே அந்த பொண்ணுக்கும் உன்னை பிடிச்சிருந்தா அப்போ விவேக்னால என்ன பண்ண முடியும்? அகேன் ஐ சே..எவ்ரிதிங் இஸ் ஃபேர் இன் லவ் அண்ட் வார்…சோ, சில்ல்ல்ல்… “
“கரெக்ட் ரான்…அந்த பொண்ணு மனசில என்ன இருக்குன்னே தெரிஞ்சுக்காம நானா நிறைய யோசிட்டேன் இல்லை. ஒருவேளை அவளுக்கு விவேக்கை ரொம்ப பிடிக்கலாம். என்னை சுத்தமா பிடிக்காமயே போகலாம். ஆனா, இதை விடவும் இன்னொரு கஷ்டமான விஷயம் இருக்கு. அந்த பொண்ணை இம்பிரஸ் பண்ண விவேக் கண்டிப்பா எங்கிட்ட ஐடியா கேட்பான். நான் ஹெல்ப பண்ணாம இருக்க முடியாது. அதே சமயம், மனசில்லாம ஹெல்ப பண்ணா கண்டிபா தெரிஞ்சு போகும். அதைத் தான் எப்படி ஹேண்டில் பண்ணப் போறேன்னு தெரியலை…. “
[the_ad id=”6605″]
“ம்ம்ம்..வி வில் சீ….என்னை கேட்டா நீ ரொம்ப டீப்பா திங் பண்ணறன்னு சொல்லுவேன். ஒரு வேளை அந்தப் பொண்ணுக்கு உன்னை பிடிக்காம இருக்கலாம். பிகாஸ் ஏற்கனவே சின்ன மிஸ் அண்டர்ஸ்டாண்டிங் இருக்கு…மோர் ஓவர், விவேக் இஸ் ஆல்சோ எ ஜெனியூன் பர்சன்… அவன பிடிகலைன்னு சொல்ல என்ன காரணம் இருக்க முடியும்…” என்று ரான் வினவிய போது, சதீஷிற்குமே அது உண்மையாக இருக்கும் என்ற எண்ணம் தோன்றியது.
விவேக், பர்சனாலிட்டி அளவில் பார்க்கப் போனால், நல்ல உயரம், கருப்பு கலந்த மாநிறம், பண்பாளன், சட்டென எடுத்தெரிந்து பேசமாட்டான், சீக்கிரத்தில் கோபப்படமாட்டான், எளிதில் ஒரு பொருள் மீது ஆசை கொள்ளாத, வீட்டினரின் மேல் நிறைய கவனமும் கருத்தும் கொண்ட பொறுப்பானவன். இத்தனை நல்ல பண்புகள் கொண்டவனை விட்டு, நேர் எதிர் குணாதிசியங்கள் கொண்ட தன்னிடமா ஒரு பெண் மனதை பறிகொடுப்பாள்? அதிலும் விவேக்கிடம் பழகி, அவன் எப்படிப்பட்டவன் என தெரிந்து கொண்ட பின்னர், கண்டிப்பாக சுஜினிக்கு தன்னைப் பிடிக்க வாய்ப்பேயில்லை என மனம் திடமாக மொழிந்தது.
“யா, யு ஆர் கரெக்ட்…அந்த பொண்ணு என்ன யோசிக்கறான்னு பார்க்கலாம்….லெட் அஸ் வெயிட் அண்ட சீ, இது எப்படி முடியும்னு” என்று தோளை குலுக்கிக் கொண்டான் சதீஷ். இருவரும் மீதமிருந்த சிகரெட்டுகளை மெதுவாக இழுத்து ஆழமான புகைகளை வெளியேற்றியபடிக்கே, மீதமிருந்த அரைக் கிலோமீட்டர் தூரத்தையும் கடந்தனர்.
எது என்னவாயினும் ஒரு போதும் நண்பனுக்கு எதிராக எதுவும் செய்துவிடக் கூடாது என மனதாற சபதம் போல் சொல்லிக் கொண்டான் சதீஷ்.